Xəbərlər

12.03.2024 - Volleyball

Qadın voleybolçular arasında Azərbaycan çempionatı

Qadın voleybolçular arasında Azərbaycan çempionatında növbəti oyunlar baş tutub. Bu gün GİN-in Voleybol Mərkəzində 17-ci tur çərçivəsində iki görüş keçirilib.
Günün ilk qarşılaşması “Milli Aviasiya Akademiyası” və “Murov Az Terminal” klubları arasında olub. Gərgin keçən bu matçda 3:2 hesabı ilə “Murov Az Terminal” qələbə qazanıb.
Növbəti oyunda isə “AZERRAIL” və “Gəncə” kollektivləri üz-üzə gəliblər. Bu qarşılaşma “AZERRAIL”in 3:0 hesablı qələbəsi ilə yekunlaşıb.
Qeyd edək ki, turun son matçı martın 13-də UNEC və “Abşeron” klubları arasında olacaq.
Beləliklə, qadınların turnir cədvəlinə “AZERRAIL” 42 xalla (14 qələbə) liderlik edir. “Murov Az Terminal” 37 xalla (13 qələbə) 2-ci, “Abşeron” 33 xalla (11 qələbə) 3-cü, “Gəncə” 24 xalla (8 qələbə) 4-cü, “Milli Aviasiya Akademiyası” 14 xalla (4 qələbə) 5-ci, qələbəsi və xalı olmayan UNEC isə sonuncu pillədədir.
Yüksək Liqa
12 mart
XVII tur
“Milli Aviasiya Akademiyası” - “Murov Az Terminal” 2:3 (25:22, 16:25, 25:19, 15:25, 12:15)
“AZERRAIL” - “Gəncə”3:0 (25:22, 25:22, 25:19)
13 mart
18:00. UNEC - “Abşeron”
Ünvan: UNEC-in idman zalı
25.02.2024 - Volleyball

Azərbaycan birinciliyində (U-16)

Azərbaycan birinciliyində (U-16) mübarizə aparan komandalar
“Murov Az Terminal-2”, “Tovuz RVK”, “Hacıqabul RVK”, “Sumqayıt RVK”, “Oğuz RVK”, Murov Az Terminal-1”, “Gəncə RVK”, “AZERRAIL”, “Milli Aviasiya Akademiyası”, “Xarı Bülbül Şuşa”
21.02.2024 - Volleyball

Murovun qızları növbəti dəfə Neftçi komandasını 3:1 hesabı ilə məğlub etdilər!

Voleybol üzrə Azərbaycan çempionatında növbəti oyunlar baş tutub. Bu gün GİN-in Voleybol Mərkəzində həm qadın, həm də kişilərin Yüksək Liqası çərçivəsində qarşılaşmalar keçirilib.
İlk olaraq meydana kişilərdən ibarət “Murov Az Terminal” və “Neftçi” klubları çıxıblar. Gərgin keçən görüşdə “Murov Az Terminal” 3:1 hesabı ilə qələbə qazanıb.
Günün növbəti matçı isə qadınlardan ibarət “Milli Aviasiya Akademiyası” və “AZERRAIL” klubları arasında olub. Oyuna daha yaxşı başlayan “AZERRAIL” üstünlüyünü sonadək qoruyub və 3:0 hesabı ilə qalib gəlib.
Kişilərin turnir cədvəlinə “AZERRAIL” 24 xalla (8 qələbə) liderlik edir. “Murov Az Terminal”ın 21 xalı (8 qələbə), “Neftçi”nin 19 (6 qələbə), “Xarı Bülbül Şuşa”nın 16 (5 qələbə), “Xarı Bülbül Laçın”ın 4 xalı (1 qələbə) var. MOİK-in isə qələbəsi və xalı yoxdur.
Qadınların turnir cədvəlinə “AZERRAIL” 36 xalla (12 qələbə) liderlik edir. “Murov Az Terminal” 32 xalla (11 qələbə) 2-ci, “Abşeron” 30 xalla (10 qələbə) 3-cü, “Gəncə” 18 xalla (6 qələbə) 4-cü, “Milli Aviasiya Akademiyası” 10 xalla (3 qələbə) 5-ci, qələbəsi və xalı olmayan UNEC isə sonuncu pillədədir.
21 fevral
Yüksək Liqa (kişilər)
“Murov Az Terminal” - “Neftçi” 3:1 (25:21, 27:25, 33:35, 31:29)
Yüksək Liqa (qadınlar)
“Milli Aviasiya Akademiyası” - “AZERRAIL” 0:3 (21:25, 10:25, 12:25)
20.02.2024 - Volleyball

Murovun qızları növbəti dəfə UNEC komandasını 3:0 hesabı ilə məğlub etdilər!

Qadın voleybolçular arasında Azərbaycan çempionatında növbəti oyunlar keçirilib. Bu gün 14-cü tur çərçivəsində iki oyun baş tutub.
UNEC-in idman zalında baş tutan görüşdə “Murov Az Terminal” və UNEC komandaları üz-üzə gəliblər. Oyun “Murov Az Terminal”ın 3:0 hesablı qələbəsi ilə yekunlaşıb.
Turun digər matçında GİN-nin Voleybol Mərkəzində “Abşeron” klubu “Gəncə”ni qəbul edib. Gərgin keçən qarşılaşmada “Abşeron” 3:1 hesabı ilə qalib gəlib.
Qeyd edək ki, turun son qarşılaşması sabah GİN-nin Voleybol Mərkəzində keçiriləcək. “Milli Aviasiya Akademiyası” və “AZERRAIL” arasında baş tutacaq bu oyun saat 18:00-da başlayacaq.
Beləliklə, “AZERRAIL” 33 xalla (11 qələbə) turnir cədvəlinə liderlik edir. “Murov Az Terminal” 32 xalla (11 qələbə) 2-ci, “Abşeron” 30 xalla (10 qələbə) 3-cü, “Gəncə” 18 xalla (6 qələbə) 4-cü, “Milli Aviasiya Akademiyası” 10 xalla (3 qələbə) 5-ci, qələbəsi və xalı olmayan UNEC isə sonuncu pillədədir.
20 fevral
Yüksək Liqa (qadınlar)
“Murov Az Terminal” - UNEC 3:0 (25:8, 25:5, 25:12)
“Abşeron” - “Gəncə” 3:1 (25:17, 25:23, 23:25, 25:17)
21 fevral
Yüksək Liqa (qadınlar)
18:00. “Milli Aviasiya Akademiyası” - “AZERRAIL” (GİN-nin Voleybol Mərkəzi)
30.01.2024 - Volleyball

Murovun qızları növbəti dəfə Abşeron komandasını 3:0 hesabı ilə məğlub etdilər!

Qadın voleybolçular arasında Azərbaycan çempionatında 3-cü dövrəyə start verilib. Bu gün GİN-in Voleybol Mərkəzində 11-ci tur çərçivəsində iki görüş keçirilib.
İlk olaraq meydana “Milli Aviasiya Akademiyası” və “Gəncə” komandaları çıxıblar. Gərginliyi ilə yadda qalan matçda qalib tay-brekdə müəyyənləşib. Bu hissədə daha dəqiq oynayan “Gəncə” 3:2 hesabı ilə qalib gəlib.
Günün növbəti qarşılaşması “Murov Az Terminal” və “Abşeron” klubları arasında olub. İlk setdən təşəbbüsə yiyələnən “Murov Az Terminal” üstünlüyünü sonadək qoruyub və 3:0 hesablı qələbə qazanıb.
Beləliklə, xallarının sayını 26-a çatdıran (9 qələbə) “Murov Az Terminal” liderliyə yüksəlib. “AZERRAIL” 24 xalla (8 qələbə) 2-ci, “Abşeron” 21 xalla (7 qələbə) 3-cü, “Gəncə” 15 xalla (5 qələbə) 4-cü, “Milli Aviasiya Akademiyası” 10 xalla (3 qələbə) 5-ci, qələbəsi və xalı olmayan UNEC isə sonuncu pillədədir.
Qeyd edək ki, turun son oyunu sabah UNEC və “AZERRAIL” komandaları arasında olacaq.
Yüksək Liqa
30 yanvar
“Milli Aviasiya Akademiyası” - “Gəncə” 2:3 (26:24, 19:25, 15:25, 25:19, 11:15)
“Murov Az Terminal” - “Abşeron” 3:0 (25:20, 25:18, 25:22)
31 yanvar
18:00. “AZERRAIL” - UNEC (UNEC VK-nın idman zalı)
24.01.2024 - Volleyball

Fərid Cəlalovun növbəti uğuru!

Bu gün kişi voleybolçular arasında Azərbaycan çempionatında növbəti oyun keçirilib. “Murov Az Terminal” klubu MOİK-i qəbul edib.
“Murov Az Terminal”ın İdman zalında təşkil olunan görüşə meydan sahibləri üstün başlayıb və birinci seti 25:18 hesabı ilə aktivlərinə yazıblar. Gərgin keçən ikinci hissədə isə MOİK 25:23 hesabı ilə üstün olub. Bundan sonra ev sahibi yenidən təşəbbüsü ələ keçirərək növbəti setləri qalib başa vurub - 25:8, 25:18. Beləliklə, maraqlı mübarizədə keçən matçda “Murov Az Terminal” 3:1 hesablı qələbə qazanıb.
Qeyd edək ki, bu gün keçirilən oyundan sonra “Murov Az Terminal” 18 xalla (7 qələbə) turnir cədvəlinə liderlik edir. “AZERRAIL”-in 18 (6 qələbə), “Xarı Bülbül Şuşa”nın 16 (5 qələbə), Neftçi”nin 13 (4 qələbə), “Xarı Bülbül Laçın”ın 4 xalı (1 qələbə) var. MOİK-in isə qələbəsi və xalı yoxdur.
24 yanvar
Yüksək Liqa (kişilər)
“Murov Az Terminal” - MOİK 3:1 (25:18, 23:25, 25:8, 25:14)
 
24.01.2024 - Volleyball

Canab Nazir Murovun rayondan cəlb olunan yeniyetmələrlə tanış oldu.

Azərbaycan Voleybol Federasiyasının prezidenti Şahin Bağırov seleksiya işləri çərçivəsində “Murov Az Terminal” klubu tərəfindən bölgələrdən seçilmiş yeniyetmə voleybolçularla görüşüb.
Yanvarın 23-də GİN-in Voleybol Mərkəzində keçirilən “Murov Az Terminal” - “Gəncə” qarşılaşmasından sonra baş tutan görüşdə Ş.Bağırov yeniyetmə voleybolçulara yaradılan şəraitlə maraqlanıb, onlara professional idmançı olmaq yolunda tövsiyələrini verib. Məşqçi və mütəxəssislərlə də söhbət edən Ş.Bağırov federasiyanın hər zaman gənc və yeniyetmə voleybolçulara dəstək olacağını bildirib, onlara bu yolda uğurlar arzulayıb.
23.01.2024 - Volleyball

Eldar Yusubovun komandası Çempionatın cədvəlində birinci yerə yüksəlib!

Bu gün qadın voleybolçular arasında Azərbaycan çempionatında növbəti oyunlar keçirilib.
Günün ilk qarşılaşması “Murov Az Terminal” və “Gəncə” komandaları arasında olub. GİN-nin Voleybol Mərkəzində təşkil olunan matç “Murov Az Terminal” komandasının 3:0 hesablı qələbəsi ilə başa çatıb.
Turun növbəti oyununda isə “Milli Aviasiya Akademiyası” və UNEC komandaları üz-üzə gəliblər. UNEC-in idman zalında baş tutan görüş Vüqar Əliyevin yetirmələrinin 3:0 hesablı qələbəsi ilə bitib.
Qeyd edək ki, 10-cu turun və II dövrənin son qarşılaşması yanvarın 25-də “Abşeron” və “AZERRAIL” klubları arasında olacaq.
Beləliklə, “Murov Az Terminal” 23 xalla (8 qələbə) turnir cədvəlinə liderlik edir. “AZERRAIL” 22 xalla (7 qələbə) 2-ci, “Abşeron” 20 xalla (7 qələbə) 3-cü, “Gəncə” 13 xalla (4 qələbə) 4-cü, “Milli Aviasiya Akademiyası” 9 xalla (3 qələbə) 5-ci, qələbəsi və xalı olmayan UNEC isə sonuncu pillədədir.
Yüksək Liqa (qadınlar)
23 yanvar
“Murov Az Terminal” - “Gəncə” 3:0 (25:15, 25:21, 25:17)
“Milli Aviasiya Akademiyası” - UNEC 3:0 (25:20, 25:7, 25:10)
16.01.2024 - Volleyball

Murovun qızları növbəti dəfə UNEC komandasını 3:0 hesabı ilə məğlub etdilər!

Qadın voleybolçular arasında Azərbaycan çempionatında növbəti oyunlar keçirilib. Bu gün 9-cu tur çərçivəsində üç matç baş tutub.
Tura “Gəncə” - “Abşeron” görüşü ilə start verilib. Gəncə OİK-da təşkil olunan oyun gərginliyi ilə yadda qalıb. Meydan sahiblərinin ciddi müqavimətinə baxmayaraq, “Abşeron” 3:2 hesabı ilə qələbə qazanıb.
Növbəti qarşılaşmada UNEC öz meydanında “Murov Az Terminal” klubunu qəbul edib. Görüş qonaqların 3:0 hesablı qələbəsi ilə yekunlaşıb.
Günün son matçında “AZERRAIL” və “Milli Aviasiya Akademiyası” komandaları üz-üzə gəliblər. Cengiz Akarçeşmenin yetirmələri bu oyunda 3:0 hesabı ilə üstün olublar.
Beləliklə, 9 turdan sonra “AZERRAIL” 22 xalla (7 qələbə) turnir cədvəlinə liderlik edir. “Murov Az Terminal” 20 xalla (7 qələbə) 2-ci, “Abşeron” 20 xalla (7 qələbə) 3-cü, “Gəncə” 13 xalla (4 qələbə) 4-cü, “Milli Aviasiya Akademiyası” 6 xalla (2 qələbə) 5-ci, qələbəsi və xalı olmayan UNEC isə sonuncu pillədədir.
Yüksək Liqa (qadınlar)
IX tur
“Gəncə” - “Abşeron” 2:3 (17:25, 23:25, 25:18, 26:24, 9:15)
UNEC - “Murov Az Terminal” 0:3 (11:25, 6:25, 14:25)
“AZERRAIL” - “Milli Aviasiya Akademiyası” 3:0 (25:22, 26:24, 25:13)
13.01.2024 - Volleyball

Yeniyetmələrin növbəti uğuru!

Bu gün 16 yaşlı və 16 yaşadək voleybolçu qızların birinciliyində növbəti oyunlar keçirilib.
13 yanvar
Oyunların nəticələri:
“İlkin klubu”- “ Murov Az Terminal”(0:2)
“Lokomotiv” - “AZERRAIL-3” (1:2)
“AZERRAIL-1” - “Xarı Bülbül Laçın” (2:0)
“Dinamo” - “AZERRAIL-4” (2:0)
“Bakı klubu” - “Zəngəzur” (0:2)
“Ryuga” - “Aura” (2:0)
Oyunlar Azərbaycan Voleybol Federasiyasının İdman zalında keçirilib.
12.01.2024 - Volleyball

Murov mövsümdə olan yeganə məğlubiyyətini bağladı.

Kişi voleybolçular arasında Azərbaycan çempionatında ilin ilk qarşılaşmaları keçirilib. Bu gün 8-ci tur çərçivəsində iki görüş baş tutub.
Tura “Neftçi” - MOİK matçı ilə start verilib. “Murov Az Terminal” klubunun İdman zalında təşkil olunan görüş “Neftçi”nin 3:0 hesablı qələbəsi ilə yekunlaşıb.
Turun növbəti oyununda “Murov Az Terminal” və “AZERRAIL” klubları üz-üzə gəliblər. GİN-in Voleybol Mərkəzində baş tutan gərgin qarşılaşmada tərəflər hərəyə iki set qazandığından qalib tay-brekdə müəyyənləşib. Bu hissədə daha dəqiq oynayan “Murov Az Terminal” meydandan 3:2 hesablı qələbə ilə ayrılıb.
Qeyd edək ki, Yüksək Liqasında “Xarı Bülbül Şuşa” 16 xalla turnir cədvəlinə liderlik edir. Hərəyə 15 xal qazanan “Murov Az Terminal” və “AZERRAIL” 2-ci və 3-cü, “Neftçi” 13 xalla 4-cü, “Xarı Bülbül Laçın” 4 xalla 5-ci, xalı olmayan MOİK isə 6-cı yerdədir.
Yüksək Liqa (kişilər)
VIII tur
“Neftçi” - MOİK 3:0 (25:20, 25:23, 27:25)
“Murov Az Terminal” - “AZERRAIL” 3:2 (25:20, 25:17, 20:25, 23:25, 15:8)
10.01.2024 - Volleyball

Yusubov ikinci dəfə revanş oyunu qələbə ilə bitirir!

Qadin voleybolçular arasında Azərbaycan çempionatında ilin ilk qarşılaşmaları baş tutub. Bu gün GİN-in Voleybol Mərkəzində 8-ci turun iki oyunu keçirilib.
İlk olaraq meydana “Abşeron” və “Milli Aviasiya Akademiyası” komandaları çıxıblar. “Milli Aviasiya Akademiyası” qarşılaşmaya daha yaxşı başlayıb və Vüqar Əliyevin yetirmələri üstünlüklərini sonadək qoruyaraq 3:0 hesabı ilə qələbə qazanıblar.
Turun növbəti oyunu isə “Murov Az Terminal” və “AZERRAIL” klubları arasında olub. Tərəflər hərəyə iki set qazandığından qalib tay-brekdə müəyyənləşib. Həlledici hissədə daha dəqiq oynayan “Murov Az Terminal” bu matçdan 3:2 hesablı qələbə ilə ayrılıb.
Qeyd edək ki, “AZERRAIL” 19 xalla turnir cədvəlinə liderlik edir. “Abşeron” 18 xalla ikinci, “Murov Az Terminal” 17 xalla 3-cü, “Gəncə” 9 xalla 4-cü, “Milli Aviasiya Akademiyası” 6 xalla 5-ci, xalı olmayan UNEC isə sonuncu pillədədir.
9 yanvar
Yüksək Liqa (qadınlar)
VIII tur
“Abşeron” - “Milli Aviasiya Akademiyası” 0:3 (18:25, 19:25, 25:27)
“Murov Az Terminal” - “AZERRAIL” 3:2 (18:25, 25:19, 25:14, 17:25, 15:6)